गुल्मी जिल्ला लुम्बिनी प्रदेशमा अवस्थित पहाडी जिल्ला हो ।यसको पुर्वमा स्याङ्गजा र पर्वत, पश्चिममा प्युठान र अर्घाखाची, उत्तरमा वाग्लुङ्ग र दक्षिममा पाल्पा र अर्घाखाची जिल्ला पर्दछन । केन्द्रिय तथ्याङक विभागका अनुसार गुल्मी जिल्लाको कुल क्षेत्रफल १११०.७६ वर्ग कि.मी. रहेको देखिन्छ भने वन अनुसन्धान तथा सर्वेक्षण विभागको प्रतिवेदन अनुसार १ लाख १० हजार ५०६ हेक्टर देखिन्छ । सो मध्ये वन क्षेत्र ४६०९८ हेक्टर रहेको छ । जिल्लाको समग्र वन तथा वातावरण क्षेत्रको संरक्षण तथा व्यवस्थापनको जिम्मेवारी भएको यस कार्यालय राज्यको पुर्नसंरचना पश्चात लुम्बिनी प्रदेश सरकार अन्तरगत रहने गरी यस कार्यालयको नाम डिभिजन वन कार्यालय हुन गएको छ । यस कार्यालय अन्तरगत ६ वटा सब डिभिजन वन कार्यालयहरु रहेका छन ।
